China Box Office-ah 'The Shadow Edge' che ṭha chhunzawm

Chinese crime action film, Jackie Chan channa 'The Shadow Edge' chu Chinese Box Office-ah a kar thumna atan No.1 a nih chhunzawm. Artisan Gateway-in a tarlan danin 'The Shadow Edge' hian RMB mtd 84.2 (USD mtd 11.7) a lak luh belh leh a, a vaia sum an lak luh tawh zat hi RMB tld 1.031 (USD mtd 143.2) a tling tawh a, global chart-ah pathumna a ni mek bawk.

Shanghai animation film 'Nobody', Yu Shui direct chu pahnihna niin, kar hmasa chhung khan USD mtd 8.5 lak luh belhin, an sum lak luh tawh zat hi USD mtd 215.4 a ni. China film 'Dead to Rights' chu pathumnaah awmin, USD mtd 4.5 a lak luh belh leh a, an sum hmuh chhuah tawh zawng zawng hi USD mtd 409.3 a ni. He film hi Shen Ao direct a ni a, Shen Ao, Zhang Ke leh Xu Luyang-te ziah a ni. Palina 'Final Destination: Bloodlines' chuan USD mtd 21.8 a la lut tawh a, 'Shenzhou 13' chu panganaah langin, USD mtd 1.5 a la lut bawk.