Ray Fisher DC aṭangin kan bye bye hmel

Warner Bros thuneitu lam nena inhmu thiam hlei thei lo Cyborg role hnehsawh taka changtu Ray Fisher chu 'The Flash' standalone movie-a a inlan dawn nia report a awm vek tawh hnuah a inlan leh dawn lo niin an tarlang.

Nikum nipuiah khan Fisher hi 'The Flash' film-ah cameo a lang tura biak a ni a, mahse khami hnu lawkah khan DC film siamtu Warner Bros. studio executive te nen an inhmuthiam lo zui a,  director Joss Whedon chu Justice League set khawih chiangpenah a puh bawk. Hemi chungchang chhuichiannah hian Fisher hi a inrawlh duh lo a, nikum kum tawp dawn aruaiah khan DC Films President Walter Hamada chu 'the most dangerous kind of enabler' tiin a sawi zui leh bawk a ni. Hamada  inrawlhnaah chuan a tel duh tawh loh thu a sawi zui bawk.

Hamada hi 'The Flash' buaipui mek tu niin The Wrap-in a tarlan dan chuan Fisher hi a telh leh duh ta lo a ni. Fisher hi Justice League Snyder Cut reshoot-na lamah erawh a inlan zui tho a, mahse hemi hnu lamah hi chuan an boruak thlirin DC film-ah kan hmuh chhunzawm a rinawm tawh loh hle.