Ben Affleck aiin Michael Keaton maw?

DCEU hmalam hunah Ben Affleck ni loin Miachel Keaton zawkin Gotham fapa chhuanvawr Bruce Wayne lem a chan chhunzawm dawn niin media ṭhenkhat chuan an report tlat mai. Tunhnaia report hrang hrang thlirin DCEU hmalam hun hi a phe ruai a ni ber a, The Flash film kum 2022-a tlangzarh turah Ben Affleck leh Keaton hian Batman thuam an rawn inbel leh ve ve dawn niin report a awm mek bawk nen, engtiang takin nge DCEU hi an kal zel dawn tih hriat thiam mai a har hle.

Kar hmasa khan DC Films president Walter Hamada chuan NYT-in an interview-naah Warner Bros. chuan Batman inlanna tur film saga pahnih a awm dawn tih leh actor hranin hei hi an chan ve ve dawn thu a sawi a, pakhat zawk chu Robert Pattinson a ni dawn tih kan hrechiang thlang nghal mai a, pakhat dang chu tunge a nih dawn hriat chak an tam. 

Social media lama film expert Néstor Bentanco-a'n hemi chungchanga a zawhna hi NYT reporter Brooks Barnes chuan lo chhangin Keaton hming a lo ziak lang a, hei vang hian Michael Keaton hming hi a ri ring zui hle a ni. Michael Keaton hian kum 1989 leh 1992 kha  Batman film pahnih a lo chang tawh a ni.