2025 MTV VMA kum ruk chhunga TV kaltlanga entu tam ber ṭum

2025 MTV Video Music Awards, Pathianni liamtaa sem chhuah chu kum ruk chhunga TV kaltlanga entu an tam ber ṭum niin, CBS Paramount+ leh MTV-in an simulcast na kaltlangin entu maktaduai 5.5 chuang an awm. Awards semchhuah hi CBS-a pek chhuah hmasak berna a ni a; mahse, hun rei tak chhung an pek chhuah tawh Grammy Awards erawh a tichhuak tawh dawn lo thung. Grammy hi ABC, Hulu leh Disney+ ah kum 2027 aṭangin pek chhuah a ni tawh ang.

VMA hi LL Cool J host-na hnuaia neih niin, kum hmasa khan a lo co-host tawh bawk. Hei bakah hian award ngaihhlut hlawh Grammy pawh a zawnin vawi nga ngawt a lo host tawh bawk a ni. Pathianni zana show pekchhuahna Paramount+ aṭangin live stream entu ngah pathumna a ni pha a, Grammy leh Golden Globe chiah a pha lo. Hei bakah VMA neih a nih aṭanga voting huaihawt a hlawhtlin ber ṭum a ni a, khawvel pumah mi tluklehdingawm 2.5-in vote an thlak a ni.