Hilary Duff leh Atlantic Records thawk dun

American actress leh singer Hilary Duff chu Atlantic Records nen thawk dunin, rimawi lamah a kir leh dawn nia sawi a ni a, docuseries pawh siam a ni dawn. Duff hian a studio album hnuhnung ber 'Breathe In, Breathe Out' chu June 15 khan a tlangzarh a, he album hi a docuseries-ah pawh tarlan a ni dawn a, rimawi lama a zinkawng leh a mimal nun pawh pholan a ni ang.

Docuseries hi Sam Wrench chuan a direct dawn bakah, executive producer a ni nghal dawn a ni. Docuseries-ah hian a zinkawng chanchin hrang hrang tarlan a ni dawn a, chhungkua a enkawl dan, rimawi thar a record chungchangte leh live show rehearsal bakah, mipui hmaa perform leh tura a inbuatsaihnate pawh a awm dawn tih a tiam. Duff hi kum 10 liamta chhung khan lemchan lamah insawrbingin, kum 2015 aṭanga 2021 thleng 'Younger' ah a chang a, 'How I Met Your Father'-ah pawh a chang bawk a ni.