Environmental Media Awards: Jurassic World Rebirth, The Wild Robot leh Wicked langsar

Kumtina neih ṭhin Environmental Media Awards vawi 35-na neih tur atana nomination puan a ni a, feature film lamah 'Jurassic World Rebirth,' 'The Wild Robot' leh 'Wicked' te an langsar. Television category lamah 'Abbott Elementary,' 'The Simpsons,' 'Alien: Earth,' 'Yellowstone,' 'Paradise,' 'Grey’s Anatomy,' leh 'The Daily Show' te an lang bawk a ni.

Kumina awards ceremony hi 'Love Island USA' host, actress leh best-selling author Ariana Madix bakah Harry Jowsey-ten an co-host dawn a ni. Madix chuan EMA Awards host tura tih a ni chu chawimawina ropui tak a nih thu a sawi a, Jowsey pawhin a lawm thu leh a tan thil hlu tak a ni tih a sawi ve bawk.

EMA-ah hian environment storytelling leh sustainable producing lama hlawhtlinna lantir thei film leh television production te chawimawina hlan ṭhin an ni. Sik leh sa bakah kan chenna leilung venhimna kawnga hma la ṭhinte ngaih pawimawh zual an ni. Award hi feature film, documentary film, documentary series, reality series, naupang series, drama series, variety series leh student film category-ah sem chhuah ṭhin a ni.