RM-a'n a piancham pualin ṭanpuina pe

Korean boy band lar BTS leader RM (Kim Nam Joon) chuan nimin khan a piancham pualin Asan Medical Center leh Korea University Medical Center hnenah KRW mtd 100 (USD 72,000) a pe.

Medical community chuan nimin khan thuchhuah siamin, RM chuan a piancham pualin KRW mtd 200 (USD mtd144,000) a hlan tih an sawi. Asan Medical Center-a ṭanpuina sum a pek hi damlo enkawlna bakah inzai senso atan hman a ni dawn a, Korea University Medical Center-a sum a pek hi medical facility tihchangtlunna tur leh healthcare service tihzauhna atan hman a ni ang. RM chuan a piancham pualin mite tan malsawmna nih a duh tih sawiin, damlo sum leh pai lama harsatna tawkten damdawi lam enkawlna an mamawh ang tak an dawn a beisei thu a sawi. Institution pahnihte pawhin RM thilpek avanga an lawm thu sawiin, damlote leh damdawi lam enkawlna tihhmasawn kawngah nasa takin a pui dawn a ni, an ti.