Xiaomi Mi 5 a hnai

Chinese mobile ṭha siamtu, Xiaomi chuan tunkar hian an phone thar Mi 5 chu India-ah an tlangzarh dawn a, nghakhleltu an tam hle.

Xiaomi hian Mi 5 hi Ningani hian an tichhuak ṭan dawn niin an sawi a, hemi rual hian Mi 5 Plus pawh an tihchhuah nghal rin a ni. Mi 5 hi 5.2 inch-a hlai hmai a nei a, chipset-ah Snapdragon 810 a hmang. A RAM hi a zat an la sawi chiang lo nain 4GB ni tur angin an sawi a, internal storage pawh 16 leh 64 GB chi a awm dawn niin an sawi bawk. Battery-ah 3030 mAh a hmang.

Mi 5 Plus hi a hmai a hlai hret a, inchi 6-a hlai a ni a, 4GB RAM tho a nih hmel a, internal storage hi 32 GB tur niin, camera pawh, a hnung lam bik hi 16MP a ni ang.

Chinese phone siamtu tho OnePlus chuan tun thla tawp lam hian an phone thar, OnePlus 2 an tichhuak bawk dawn niin an sawi.