K-Pop ticket a lei theih e

July 25, Inrinnia Mizoram University Multipurpose Hall-a Korean Cultural Center India-in K-Pop Contest India 2015 Regional Round buatsaih turah ticket hralh chhuah ṭan a ni ta a, ticket pakhat hi Rs. 500 man a ni. He hunah hian India ram state hrang hrang aṭangin mi 40 inel tur an awm dawn a, KCCI aṭangin mi eng emaw zat an lokal bawk dawn a, show entu zawng zawng tan K-Pop T-shirt a thlawnin sem a ni ang.

He event hi tlai dar 5 aṭanga ṭan tur a ni a, dar 3 aṭangin hall hawn ṭan a ni ang a, dar 4:45-ah khar a ni ang. Hetah hian K-POP Star Miss Hyemin Jung endiktu a nih dawn bakah show hmuhnawm tak a nei nghal ang. A hmunah hian ei leh in tur lei tur a awm nghal dawn a ni. Ticket hi Active Sound, Chanmari, Ramhlun Road; GI Infotech, Zarkawt Opposite Vanglaini Office; Era Boutique, Millenium Centre Ground Floor; Royal Enfield, Bullet Bike Zawrhna, Sikulpuikawn; Zonunthari, Under Secretary, Tourism Deptt. Room No. 108, Annex-II, Treasury Square; Lalnunmawii, IPRO, I&PR Office, Treasury Square; Lalrinchhani, Tourist Officer, Dte of Tourism, Khatla leh Linda Thansangzuali, Assistant, GAD te aṭangin a lei theih.