'Practical Magic 2' production zo fel

Kum 1998-a tihchhuah fantasy comedy, Nicole Kidman leh Sandra Bullock-te channa 'Practical Magic' sequel 'Practical Magic 2' production chu zawh fel a ni tawh tih Nicole Kidman chuan a Instagram-ah Inrinni zing khan a tarlang a, Kidman leh Bullock-te hi unau Sally leh Gillian Owens angin an chang leh dawn a ni.

Film hmasa zawk kha 1995-a Alice Hoffman novel behchhana siam a ni a, a sequel erawh Hoffman lehkhabu 'Practical Magic' series dang aṭanga siam a ni thung. 'Practical Magic 2' hi September 18, 2026 ah theater-ah tlangzarh a ni ang. Sequel-ah hian Dianne West, Stockard Channing-te pawh an chang leh dawn a ni. A changtu dang zingah Lee Pace, Maisie Williams, Xolo Maridueña, Solly McLeod leh Joey King-te pawh an tel.