MAGA-in Charlie Kirk thahnaah 'South Park' puh

America-a president Donald Trump ideology thlawp, "Make America Great Again" (MAGA) chuan Nilainia conservative activist Charlie Kirk kahhlum a nih chhanah Comedy Central satirical hit 'South Park' an puh. Kirk thihnaah hian conservative lam chuan South Park season 27-a "Got a Nut" episode a show an kalpui dan chu an mawhpuh ber nia tarlan a ni.

'Got a Nut' episode-ah hian Eric Cartman chu right-wing podcaster anga lantir niin, Kirk a tihdan niawm tak tak a ti vel bawk. Hei bakah college campus tour neiin zirlaite debate a neih pui a ni. Cartman hian Kirk hairstyle ang tak neiin "The Charlie Kirk Award for Young Masterdebaters" hlanna hunte a hmang zui bawk. Hengte a nih vang hian South Park chu dem a hlawh hle. Comedy Central in episode a pek chhuah chu an titawp niin an sawi a, mahse, Ningani zing thleng khan Paramount+ streaming platform-ah en theihin a la awm.