Internet-ah Serena an nuihsawh!

Wimbledon-a cham­pion Serena Williams hian hlimna leh lawmna nasa tak chang mah se, Internet khawvelah erawh hawi chhuah hreh­awm khawpin a pian leh a hmel an nuihsawh thung.

Twitter leh social media hrang hrangah Serena Williams pian an sawisel a, an nuihsawh a, mipa pian, ṭeng ṭung a, buh phurh a chak hmel, titein an kâp nasa mai a, Serena tan pawh hawi chhuah nuam lo khawp a ni. Hetianga an sawisel a, an kah vak vak lai hian JK Rowling chuan Serena hi a rawn chhan.

Harry Potter bu ziak­tu JK Rowling chuan, "Serena ang tluka infiam­mi ṭha leh talent nei hi an awm lo. Mi fel tak a ni a, mite tana entawn tlak, hmeichhe dik tak, rilru tluang tak a ni," a ti.