Beisei anga che ropui MINIONS

A trailer an tihchhuah hmasak ber aṭanga khaw­velin a ngaihven Minions movie chu North America-ah chhuah a ni a, a che ropui hle. Ani­ma­ted movie tih­chhuah tawh zingah, North America-ah hian, ope­ning week-a sum lalut hnem ber dawttu a rawn ni thei.

Ram tam takah tih­chhuah a ni a, an box office-a ropuina a chan hnu­ah Minions film hi North America-ah kar tawp aṭang khan chhuah ṭan a ni ve ta a, kar tawp chhung chauh khan dollar mtd 115.2 zet a lalut. Animated movie zinga kar khat chhunga sum lalut hnem ber chu Shrek The Third kha a ni a, kum 2007-a tihchhuah kha a ni. Kar khat chhungin dollar mtd 121.6 zet a lalut. Tichuan Minions hian animated movie-a sum lakluh tamah pahnihna a rawn hauh a, pathumna chu Toy Story 3 kha niin, dollar mtd 110.3 a lalut.

Despicable Me aṭanga character kan hmelhriat ṭan, Minions hi tunah chuan cartoon character zinga khawvelin a lawm ber a tling dêr tawh. US tiam hauh loin, khawvel ram dang aṭanga sum a lakluh tawh zawng zawng hi dollar mtd 124.3 zet a ni tawh a, ram 56 zetah chhuah a ni tawh. Hengte nena sum a hmuh tawh zawng zawng hi dollar mtd 280.5 a ni.

Box office-a pahnihnaah Jurassic World a awm a, Minions hian a rawn lân ta a ni. Jurassic World hian hapta nga chhuah a nih hnuah dollar mtd 18.1 lai a la hlawh chhuak thei a, hengte nen hian US-ah ringawt dollar mtd 590.7 a hmu tling tawh.

Box office movie

"Minions" - $mtd115.2

"Jurassic World" - $mtd18.1

"Inside Out (2015)" - $mtd17.1

"Terminator Genisys" - $mtd13.7

"The Gallows" - $mtd10

"Magic Mike XXL" - $mtd9.6

"Ted 2" - $mtd5.5

"Selfless" - $mtd5.3

"Max" - $mtd3.4

"Spy" - $mtd3