Miss USA-ah Oklahoma nula

Pathianni zan khan Miss USA thlan a ni a, Oklahoma state aiawh Olivia Jordan chu Miss USA-a thlan a ni.

Miss USA thlanna hi Louisiana-a Baton Rouge Civic Center-ah nghah a ni a, US-a state 50 aṭangin nula an inlan. Miss Oklahoma, Olivia Jor­dan chu Miss USA-a thlan a ni a, nikuma Miss USA, Nia Sanchez chuan crown a khumtir. First Runner up Moss Rhode Island, Anea Garcia a ni a, Miss Nevada, Brittany McGowan chu second niin, Miss Mary­land, Mame Adjei chu third runner up a ni.

Miss USA thlan buat­saihtu Miss Universe buat­saihtute tho an ni a, a neitu chu Donald Trump kha a ni. Mexican mi, US-a pem lutte chu sualna tipungtu anga a sawi chuan sawisel a hlawh a, Miss USA pawh hi a tihbuai viau rin a nih laiin, engmah harsatna a awm lo. ReelzChannel-in TV-ah an pe chhuak a, Miss Wisconsin 2009, Alex Wehrley leh Todd Newton te'n an host.