Mizoram Police-in Suzuki Gixer SF 250 panga an dawng

Suzuki Motorcycle India Private Limited (SMIPL) chuan Mizoram Police Traffic unit leh CID unit ṭanpuina turin Suzuki Gixer SF 250 panga nimin khan LBS Suzuki Showroom, Bawngkawnah a hlan.

SMIPL Head of Institution Sales, JS Rathore San chuan Traffic SP Rodingliana Chhawngthu leh CID (SB) SP K Lalremsanga hnenah chahbi a hlan a, thilpek inhlanna an ziak fel nghal bawk. 

SMIPL hian a hranpa liau liaua an duan pilot bike changkang ta chu Mizoram Traffic Police hnenah pathum a hlan a, CID unit hnenah Gixxer SF 250 pahnih a pe bawk a; bike panga an pek hlut zawng hi cheng nuai sawm vel a ni.Traffic SP Rodingliana chuan LBS Suzuki hmalaknaa SMIPL hnen aṭanga bike changkang tak a thlawna an dawng thei chu a lawm thu a sawi a, CID (SB) SP K Lalremsanga pawhin an phu loh thilpek an dawng nia a hriat thu a sawi ve bawk.

LBS Suzuki Managing Director H Ngurdingliana chuan company-in Corporate Social Responsibity (CSR) scheme a kalpui mekah Mizoramin hlawkna a tel thei chu thil lawmawm tak a nih thu a sawi a, sorkar department ṭanpui nan leh vantlang nun a lo him theih nan Police department hnenah thilpek hlan 

a ni, a ti.