Facebool Kaspersky lab ten security thar an siam dawn

Internet hmang nasa tan chuan mali­cious software-ho hi a ninawm hle. Hemi hre reng hian Facebook leh, computer security lama khawvelin a hriat lar leh ṭha ber pawl, Russian company Kaspersky te chuan security thar an siam dawn.

FB leh Kaspersky-in security tool thar an siam tur hi social network-a malicious software vengtu tur bik, ṭha tak a ni dawn. Facebook chuan, "He company nena kan thawk dun thei tur hi a lawmawm hle. Tun thla thum kal ta chhung khan mi maktaduai 2 chuangte computer chu malware hian a khawih buai tih kan hria a, kan thenfaisak tawh a ni. Heng mite computer hi Facebook an luh chiahin malware-in a khawih tih kan hria a ni," an ti.

"Facebook hi hetianga internet kaltlanga pawikhawihtutenan an tum berte zinga mi a ni a, Facebook notification kaltlangin a ni tlangpui. Facebook-a mail i dawn chuan fimkhur hle ang, a lem a ni thei a ni. Trojan tam tak hi FB khawih tur bika siam a awm a ni," tiin FB lam chuan an sawi.