Rihanna-in record a siam

Kum thum chhung zet chu album a tichhuak tawh lo nachungin Rihanna hi music khawvelah chuan a hlawhtling tho! Tunah hian record thar a rawn siam. Recording Industry Association of America (RIAA) chuan Rihanna hi Gold leh Platinum song certification an pe.

Rihanna hi Digital Single Award hlan a ni a, a hla malte maktaduai 100 a hralh tling tawh a ni. He dinhmun hi midangin an la luah lo a, single maktaduai 100 hralh tling thei awm chhun a ni. Hemi awmzia chu Rihanna hian a hla mal hrang hrang a hralh tawh zat hi maktaduai 100 a chuang tawh tihna a ni.

Rihanna hian single-in hla 37 a tichhuak tawh a, heng hla a hralh tawh zawng hian maktaduai 100 a tling tawh. 'We found love' hla bik khan multi-platinum 9 a hmu tawh a, multi-platinum hmu tur hian copy maktaduai 2 hralh tlin a ngai a, a vaiin maktaduai 18 a hralh tawh tihna a ni. 'Stay', 'What's My Name' leh 'Only Girl (In the world)' hlate khan multi-platinum paruk ṭheuh an hmu a, "Four Five Seconds" khan multi-platinum pahnih a hmu bawk. Copy maktaduai khat hralh tlingte hnenah platinum certificate an pe bawk a, "B***h Better Have My Money" khan platinum hi a hmu.