Matt Redman 'Nunin a tawn chinah worship music a tla na'

Kristian zaithiam lar leh hlawhtling, Matt Redman chuan worship music hi mihring nunin a tawn chinah leh, mihring nuna thil thlengin a nghawng dan azirin a hralh a kalin a kal lo niin a sawi.

Redman chuan, "Mi­hring nuna a relevant a, an nunin a hriatthiam a, an nunin a pawh theih chinah chiah hian worship music chu a ngaithlatuten an chhânglêt ṭhain an nunah nghawng a nei ṭhin," a ti. Hemi hria hian, rilrua nei chung hian a album thar 'Unbroken Praise' pawh a siam tih a sawi bawk.

"Krista kraws leh min tlanna pawh hi, mi dangten hrethiamin, an nunah thusawi se kan duh chuan keimahnin kan hriatthiam hmasak a, kan nunin a hriatthiam phawt a, a awmzia kan tawn chhuah phawt a ngai a ni," a ti.

Worship music chu mihring tana chaw ṭha a ni tih a sawi bawk. Matt Redman chuan, "Thlai hi mihring tan chaw ṭha tak ni mah se, mihringin a mamawh ang zawng zawng erawh a pai kim lo. Chutiang deuh bawk chu worship music hi a ni," a ti. Pathian thu hi a ṭha a, mahse a chang chuan chumi tinung leh­zual tur te, mihringin awlsam zawka pai theih nanten worship music hi a ngai tih a sawi.