US pawnah Terminator a hlawhtling
US-ah Terminator Genisys hlawhtling tawk loin, box office-ah pathumna hauh pha chauh mah se, US pawn lamah chuan Terminator thar ber hi a hlawhtling.
Khawvel puma sum lakluh chhut chuan, tun kar tawp chhung khan Terminator Genisys hian Jurassic World aiin sum a lalut hnem zawk a, kar tawp ni thum chhung khan dollar mtd 102.7 a lalut.
Jurassic World hi pahnihnaah a awm a, dollar mtd 72.9 lalutin, he movie hian Harry Potter and the Deathly Hollows Part II leh Avengers: Age of Ultron te a khum tawh a, khawvela movie sum lalut hnem zingah pangana a tling tawh. International market-ah hian Minions chu pathumnaah a awm a, Inside Out chu palina niin, Chinese film, A Monk Comes Down The Mountain chu panganaah a awm.