Meek Mill album a hlawhtling

Album a tihchhuah tur thu pawh a hma aṭangin a sawi lawk ṭha duh lo a, a tihchhuah hma, ni nga chauh a la awm tihin a tichhuak nachungin Meek Mill album hi a hlawhtling hle. Meek Mill album hi "Dreams Worth More Than Money" a ni a, Billboard album chart-ah pakhatna a hauh chiang.

"Dreams Worth More Than Money" hi kar khat chhungin copy 246,000 zet hralh a ni a, heng zing copy 215,000 hi album pangngai a ni. He rapper album tihchhuah tawhah chuan a la hlawhtling ber a, kum 2012-a a tihchhuah, Dreams and Nightmares kha opening week-ah copy 165,000 hralh a ni. "Dreams Worth More Than Money" album hi kumina album tihchhuah tawh zing a, hralh chhuah a nih ṭan kara hralh hnem ber palina a ni. Hralh hnem ber chu Drake-a album "If You're Reading This It's Too Late" (495,000) niin, Kendrick Lamar-a album "To Pimp a Butterfly" (324,000) leh Mumford & Sons album "Wilder Mind" (231,000) hi Meek Mill aia hralh ṭhate an ni.

Billboard Hot 200-ah hian pahnihnaah pahnih an awm a, pakhat chu Miguel album Wildheart a ni a, pakhatna nen an inthlau hle. Kar khat chhungin copy 48,000 hralh a ni a, pahnihna dang chu Taylor Swift album hit, "1989" kha niin copy 48,000 hralh belh leh a ni. Ed Sheeran album 'X' pawh a hralh a la kal zel a, pathumna (palina tiin a sawi theih bawk ang chu)-ah a awm. James Taylor pawh panga-naah a la lang bawk.

"Dreams Worth More Than Money" - Meek Mill (246,000)

"Wildheart" - Miguel (48,000)

"1989" - Taylor Swift (48,000)

"X" - Ed Sheeran (39,000)

"Before This World" - James Taylor (33,000)

"Dark Before Dawn" - Breaking Benjamin (31,000)

"VHS" - X Ambassadors (30,000)

"Montevallo" - Sam Hunt (29,000)

"Found in Far Away Places" - August Burns Red (29,000)

The "Magic Mike XXL"Soundtrack - Various Artists (26,000)