Valentine's Day Blood Donation camp a hlawhtling

Nimin khan Valentine's Day pualin Mizoram hmun hrang hrangah Association for Voluntary Blood Donation (AVBD), Mizoram State AIDS Control Society (MSACS) leh blood bank-te huaihawtin thisen pek rûnpui neih a ni.

V-Day blood donation prog­ramme lian ber chu Dawrpui Mul­tipurpose Hall, Aizawlah buatsaih a ni a; Miss Mizoram 2019 Thanthani, Mizo filmstar lâr Rosangpuii (Thingtlang Tlangval) leh model leh zaithiam lâr tak takte'n thisen pe apiang hnenah rose an pe zel a, zaithiamte an zai deuh reng bawk.

Miss Mizoram 2020 contest neih meka finalist 17-te pawhin thisen pek rûnpui hi an hmanpui a, thisen pete hnenah rose an pek bakah, thisen pe zawng zawngte duhsakna an hlan a ni.

Dawrpui hall-a thisen pek bikah mipa 309 leh hmeichhia 134-in thisen an pe a; Mizoram pumah thisen unit 1,114 pek niin, mipa 725 leh hmeichhia 389-in an pe a ni.

V-Day Blood Donation Camp sponsor-tute - AMC, MSACS, National Health Mission, RKS - Aizawl Civil Hospital, Vanglaini, MSR Market, Eye Care Centre, Greenwood Hospital, Nazareth Hospital leh Grace Nursing Home