Aerosmith-in music thar tichhuak dawn

Aerosmith chuan kum 13 hnuah music thar, Yungblud a thawhpuina 'One More Time' EP an tichhuak leh dawn tih an puang.

MTV VMA neih zawh takah khan Steven Tyler leh Joe Perry-te chu Ozzy Osbourne tribute pualin Yungblud nen an lo inlan tawh a, a hnuah social media lamah an thawh ho turte pawh an sawi lang zui bawk. Ningani khan official-in EP an tihchhuah tur thuleh, November 21-ah release a nih tur thu an puang ta a ni.

EP-ah hian hla panga a awm dawn a, heng zingah hian 1976-a an tihchhuah tawh 'Back in the Saddle' remix pawh a tel ang. Zaninah hian an EP tihchhuah tura single hmasa ber, 'My Only Angel' chu an tichhuak dawn bawk a ni. 'One More Time' hi kum 2012-a 'Music From Another Dimension!' hnua Aerosmith studio release hmasa ber tur a ni.