Guwahati-ah Post Malone concert

Assam chief minister Himanta Biswa Sarma chuan Concert Tourism Policy thar an siam tlangzarhin, December 8 hian Guwahati-ah American rapper, singer/songwriter Post Malone a perform dawn tih a puang.

Post Malone hi India rama a perform vawi hnihna tur a ni a, kum 2022 khan Mumbai-ah a lo inlan tawh a ni. Guwahati-a concert hi Khanapara Veterinary Ground-ah a nei ang. Assam hian Meghalaya-in kum 2024-a concert tourism policy a siam entawnin policy hi a siam thar a ni.

Nilaini khan an policy thar hi tlangzarhin, he policy hnuaiah an state chu world-class concert leh event-te thleng turin a inpeih tawh a ni, tiin CM chuan a sawi. Guwahati bakah Jorhat leh Dibrugarh te chu concert hub atan siam chhoh a ni dawn tih a sawi bawk. Meghalaya hian kum 2024 khan concert tourism policy hmang hian Rs vbc 133.42 a hai lut a ni. Concert ticket hi September 20 aṭanga hralh chhuah ṭan a ni ang.