Ozzy Osbourne documentary tihchhuah hun puang

BBC chuan July 22-a kum 76 mi nia thi, rock legend Ozzy Osbourne documentary, 'Ozzy Osbourne: Coming Home' hun tur a puang ta a, October 2-ah BBC One leh BBC iPlayer-ah pek chhuah a ni ang.

Documentary hi a tirah chuan August 18-a pek chhuah tum a ni a; mahse, Osbourne chhungkaw lamin an lusun zual laia tichhuak rih lo tura an ngen avangin an tikhawtlai a, October 20-ah an pe chhuak dawn ta a ni. Darkar khat awh niin, Ozzy-a hun hnuhnung kum thum, a nupui Sharon Osbourne nena Los Angeles aṭanga UK lama an kir hnu lam thlurbing deuh bik a ni. Hei bakah Ozzy leh Black Sabbath-te perform-na hnuhnung ber ni ta, 'Back to the Beginning' concert neih tur atana a inbuatsaih dante tarlan a ni bawk.