Khawvela mimal ram zau ber an zuar mek

Lal chhungkaw ta ni si lo, sorkar ta ni bawk si lo, mimalin ram a neih tawha zau ber mai, England ram (Wales, Scotland leh Northern Ireland tel lo) tiat deuh thaw chu tunah hian dollar mtd 325-a zawrh mek a ni.

He ram hi Australia-a mi a ni a, sq. km 101,411 zeta zau a ni a, chu chu Mizoram let nga deuh thawa zau a ni a, England ram hmun lia ṭhen hmun thum tiat niin, chu chu US-a Indiana state nen a intiat vel. He ram hi Sydney-a mi, Sir Sidney Kidman te ram a ni a, kum 1899 aṭanga an lo neih tawh a, an inrochun chhawn zel a ni.

He ram hi Anna Creek tih a ni a, ran vulhna hmun a ni a, S Kidman leh a chhungte hian ran vulh nana an hman a ni a, anmahni leh an chhungteho, an hnathawktute nen, sq. km 101,411 chhungah hian mi 150 vel chauh an cheng a, South Australia territory huam chhunga mi a ni.