Lallawmawma 'Vanram ngaiin a rûm ṭhin'

Mizo Icon aṭanga kan hriat lar, Lallawmawma chuan music video thar a peih leh ta a, a music video thar hi 'Vanram ngaiin ka rum ṭhin' tih a ni. Peter Biaksangzuala hriatrengna hla a thlawh fuh a, a hit-pui em em tawh a, tuna mi hi vanram ngaihna lam bawk a ni a, Lawmawma hian a hlawhtlinpui leh thei ngei ang. A zaithiam a, a aw a sang nalh a, a music video a ṭha bawk. 'Vanram ngaiin ka rum ṭhin' tih hla hi Lalremruata (Mapuia), Dawrpui phuah a ni a, Mapuia hian a hla phuahte album pakhata khungkhawm turin a buaipui mek a, hla ṭhenkhat chu single-a tihchhuah a ni tawh a, tuna mi, Lallawmawma sak pawh hi LPS-ah dah a ni tawh. Mapuia hla phuahte khungkhawmna tur hi Project 2015 a ni a, August thla hian peihfel hman tum a ni.