Lehkhabu bawm: Zirsangkima 'puanzàr phèn' tlangzarh

Tunlai Mizo ṭhalaite 'chek' mila lehkha ziak thin, Zirsangkima lehkhabu thar ber, "puanzàr phèn" chu Inrinni khan minister Dr Vanlalthlana'n a tlangzarh.

"puanzàr phèn" hi Zirsangkima lehkhabu pangana a ni a, a lehkhabu ziah tawh zingah hian "ramada 19" te leh "2" te pawh an tel. A lehkhabu thar ber hi a hmasate ang lo takin thawnthu awm lohna (non fiction) a ni.

He "puanzàr phèn"-ah hian mi lâr—zai thiam, lem chan thiam, infiam mi, ziaktu, sumdawng leh zirna kawnga mi hlawhtlingte chanchin, mi nazawngin puanzàr phèna an nun kan hriat loh a chuang . Mizo zinga mi chhuanawm leh fakhlawhho phêk lehlam nun a inzep nual bawk. Zirlai, zirtirtu, hna zawng lai, thu hriltu leh mi tin tana ngaihnawm leh chhawr nahawm tak tur a ni. Rs 300/ man a ni a, lehkhabu dawr hrang hrangah ngaihven theih a ni ang.