M. Lalmanzuala 'Nghet Taka Ding Zelin'

M. Lalmanzuala (IAS retd) lehkhabu ,'Nghet Taka Ding Zelin (Revised & Enlarged Edition' chu September 20 khan Hotel Tavern, Chaltlangah Vanlalngaia'n a tlangzarh.

Lehkhabu thlirlawkna hi Malsawmsanga, Research Scholar NIT Mizoram in a nei a, David Lalrinchhana pawhin thu a sawi bawk. Session hnihnaah C. Lalnundika, research scholar, MZU chuan discussion neihpuiin, ram leh hnam tana thu pawimawh tak tak sawi ho a ni. He hunah hian Lalsawta Ex-Minister, Lalbiakzama MPS retd, Er Ruata Sailo, Lalrinmawii Fanai leh sawm bik dangte an tel.

Nghet taka ding zelin (Revised and enlarged) ah hian Bung 30 a awm a, a ziaktu IAS exam zinkawng mai bakah sorkar hna a thawh chhunga thil thleng hrang hrang, MLA candidate a nih thlengin chipchiar taka tarlan a ni. Sorkar hnathawk, a bikin civil service lama hun hmangte tan inzirna tur tam tak awmin, official taka mi dawr dante pawh a zir duh tan he lehkhabuah hian zir tham a awm. Rs 600 man niin, lehkhabu dawr hrang hrangah lei tur a awm.