Release ni atan Zirtawpni

Keini chuan hla leh album-te tlangzarh hun pangngai kan nei lem lo a, kan remchan hun hunah kan tlangzarh ṭhin. Mahse ram tam takah chuan tlangzarh hun an nei deuh vek a, France leh Britain-ah chuan Thawhṭanni, North America-ah chuan Thawhlehni, Japan-ah chuan Ningani leh, Germany, Ireland leh Australia-ah chuan Zirtawpni te a ni. Mahse tunah chuan ram tam zawkin Zirtawpni hi tlangzarh niah an hmang tawh dawn.

Reuters-in a tarlan danin, tunah hian ram 45 chuan Zirtawpni hi single leh album tlangzarh niah an hmang tawh dawn tih a tarlang. Hei hian music hralhah pawh hnuhma a ṭha lamin a nei ang a, zaithiam tam tak, distributor leh producer-te tan remchanna a siam ang a, a awlsam phah zawk dawn a ni.

UK bikah leh ram ṭhenkhat chuan music chart hrang hrang tehna ruahman thar a ni bawk. Hmun ṭhenkhatah chuan Thawhlehni aṭanga a karleh Thawhlehni inkara hralh chhuah aṭanga teh a ni a, ṭhenkhatah chuan Ningani aṭanga a karleh Ningani inkar te hman a ni. Britain pawhin chart teh hun chhung tur ruahmanna thar a siam a, Zirtawpni aṭanga Zirtawpni ni tawh loin, Pathianni aṭanga a karleh Pathianni inkar an hmang tawh ang.