Mizo Idol 1st round zaninah ṭan dawn

Zonet Cable TV buatsaih, Mizo Idol season 8 first round inelna chu zaninah ṭan a ni dawn ta. First round inelna hi zan li chhung neih a ni dawn a, September 24, 25, 26 zanahte inelna neih chhunzawm a ni ang.

Zaninah hian Idol judge thar pathum - Hmingtea Chhangte, K.Hminga, leh Jaui-te hmel kan hmu nghal dawn a ni. First round zan hmasa berah hian mipa 10 leh hmeichhia 15, an vaiin mi 25-in inelna an hmachhawn dawn a ni.

Kumin Mizo Idol first round-ah hian mipa 59 leh hmeichhia 46, an vaiin 105 an tling a, an zing aṭang hian Top 50 thlan chhuah a ni ang. First round result hi September 27-ah puan a ni nghal dawn a, Top 50-a tlingte hian October 2&3-ah inelna an nei chhunzawm ang.

First round intihsiakna aṭangin Zonet Cable TV leh Zonet YouTube channel-ah Live-in an pe chhuak nghal dawn a, Top 10 aṭangin Dengṭhuama Hall-ah show kalpui a ni tawh ang. Zanin aṭangin host zei tak takte hmel kan hmu nghal thei dawn bawk.