Mizo Idol season 8: Zaninah mi 27 inlan dawn

Zonet Cable TV buatsaih Mizo Idol season 8 first round zan hnihna chu zaninah neih chhunzawm a ni dawn a, mi 27 an inlan dawn. Zanina intihsiak turte hi mipa 20 leh hmeichhia pasarih an ni.

Thawhlehni zanah first round hi ṭan a ni a, show hmuhnawm tak leh zai thiam tak tak kan hmu tawh a, zaninah pawh kan hmuh belh leh ngei dawn. Judge-te pawh beisei lawk ang ngeiin an rawn che ṭha nghal e.

Mizo Idol inelna kaltlang hian zaithiam ṭha tak tak, Zoram deng chhuak thei eng emaw zat kan lo nei tawh ṭhin a, kuminah zai thiam tak an rawn chhuak leh ngei ang. Round a sang chho ang a, thlirtu lam pawhin ṭan turte kan thlang fel leh ang a, kan ṭan zawngte tan kan thawm pawh a ring chho leh viauin a rinawm.