Whatsapp-in feature thar tichhuak leh ta

Meta platform enkawl WhatsApp chuan message translate theihna feature thar a tichhuak tih company chuan Thawhlehni khan a puang.

A tirah chuan Android device-ah ṭawng chi ruk - English, Spanish, Hindi, Portuguese, Russian, leh Arabic in a lehlin theih dawn a, iPhone-ah erawh tawng chi 19 chuang a awm thung. User-te chuan an mimal leh group chat amite chu an ṭawng duhzawng hmang hian an lehlin tir thei dawn a ni. Android bikah chuan chat kaltlanga inbiakna chu 'automatic translation' option aṭanga on sa in a tih theih dawn bawk. Hetiang lo pawhin, long press hmangin translate option a thlan theih bawk ang. WhatsApp chuan khawvel huapa feature thar hi an pek chhuah hunah ṭawng dah zat pawh hi tihpun chhoh zel an tum tih an sawi.