HYBE-in Mumbai-ah headquarters thar hawng

South Korean entertainment company lian, HYBE chuan India-based headquarters chu Mumbai-ah an hawng thar. HYBE hian international headquarters panga an hawnna chiah a ni a, a hmain Japan, America, Latin-America, leh China-ah an lo hawng tawh a ni.

HYBE lam hian India-a rimawi industry nasa taka a ṭhan mek vangin an huang zauhna atana an ruahman a ni. Tun dinhmunah HYBE hi khawvel a music industry market lian pangana a ni mek bawk. HYBE hnuaiah hian khawvel deng chhuak artist ṭha tak tak an lo chhuak tawh a, an zingah hian BTS, ENHYPEN LE SSERAFIM, Seventeen, TOMORROW X TOGETHER, leh &TEAM-te an lo vawrh lar tawh a ni. HYBE kaltlang hian Indian artist ṭha tak takin hlawkna nasa zawk an tel ngei theih pawh a rinawm.