'Wolverine' video game 2026-ah tlangzarh dawn

PlayStation chuan nakkum favang hian 'Wolverine' video game tlangzarh a ni dawn tih an puang. Game hi Sony Interactive Entertainment hnuaia Insomniac Games leh Marvel Games thawkdunin an siam a ni. Nilainia PlayStation 'State of Play' presentation neihah a trailer hmasa ber tihchhuah a ni a, PlayStation YouTube channel leh an social media-ah en theih a ni. Fan-te chuan trailer hmang hian a khelh dan tur an lo inbuatsaih lawk thei dawn bawk a ni.

Wolverine, AKA Logan lemah hian Australian actor Liam McIntyre a chang a, hun kal tawha thil hrehawm tak a lo hmachhawn tawh leh, a nun la tibuai rengtu thuruk hmuh chhuah tumin a bei dawn a ni. 'Wolverine' hi Spider-Man series ang bawkin, nakkuma official-a tihchhuah a nih hunah India-ah pawh PlayStation 5-ah a khelh theih ang. PS5-ah chiah siam a nih avangin mobile device leh iOS-ah khelh theih a ni dawn lo.