Horror film 'Bad Bloom'-ah Vera Farmiga

Vera Farmiga hi kan hre ṭheuhin a rinawm. The Conjuring film series aṭangin horror film lama chan a inhmehzia kan hre tlang tawh a, tunah hian Bryce McGuire-a film direct hmasak ber tur, horror film Bad Bloom-ah a inlan dawn a, a inlan dawn mai ni loin a produce nghal dawn bawk.

Bad Bloom hi chhungkaw pakhat thliarkar mi tlawhpawh loh taka fal taka awm, ramhnuai an hriat ngai loh lak aṭanga inhumhim tum chanchin a ni dawn niin The Hollywood Reporter chuan a tarlang a, nakkum kum chawhnu lamah an chang ṭan dawn a ni.

Vera Farmiga hi lemchan thiam a nih bakah hian film director leh producer a ni bawk a, Oscar nomination-ahte pawh a hming a lo lang zeuh zeuh tawh a, The Conjuring series-a  Lorraine Warren lema a chan hnu phei chuan lemchan khawvelah a tla na zual hle a,  Los Angeles Film Critics Association Award for Best Actress atante pawh thlan a lo ni tawh.