Zayn Malik album thar Zirtawpniah

One Direction star ṭhin, tunhnai lawk aṭanga 'pu' ni ve ta Zayn Malik chuan Zirtawpni hian album thar a tlangzarh dawn.

Malik hian a track thar 'Vibez' a tlangzarh pahin January 15-a album thar a tlangzarh tur thu hi a puang a, instagram lamah hemi chungchang hi a sawi chhuak a ni. Kum 27 mi Zayn album thar tur hi 'Nobody is Listening' tih a ni dawn a, Zayn-a zai ngainatute tan chuan ngaihven chi hle ang.

'Nobody is Listening' hi a album pathumna tur a ni dawn a, 'Dusk Till Dawn' singer hian kum 2015-a One Direction a chhuahsan hnu khan album pahnih a tichhuak tawh a ni.