D4VD car-a ruang chhar hnuah a hla stream pung

American singer leh songwriter, D4VD chuan a car-a ruang chhar a nih hnuah a tour neih turte a titawp a, mahse, heti chung hian a hla hrang hrang stream a pung nasa hle thung.

September 8 khan D4VD car-ah ruang hi chhar a ni a, car pawh hi ama hming ngeia register a ni. September 17 khan ruang chhar hi D4VD bialnu, kum 15 mi Celeste Rivas Hernandez tih finfiah a ni. A bialnu thihnaah hian D4VD ringhlel tam tak awm mah se thubuai engmah siamsak a la ni lo. D4VD catalog-te hian September 18-22 chhung khan 30.3 million official on-demand US stream a neih phah hial a, a hla zingah hian "Romantic Homicide" chu pung nasa zingah a tel pha a 2.9 million stream a nei tling hial a ni.