'The Tonight Show' ah Taylor Swift

American singer-songwriter Taylor Swift chu October 6 hian 'The Tonight Show Starring Jimmy Fallon' ah a inlan dawn. Hemi hma, October 3-ah a studio album 12-na, 'The Life of a Showgirl' a tlangzarh dawn bawk.

'The Tonight Show' hian Ningani zing khan an social media-ah Taylor Swift a inlan dawn tih an puang a, Keri Russell pawh a inlan dawn bakah American indie rock band, The Format pawh an perform dawn a ni. An ram huna zan dar 11:35-ah NBC-ah tih chhuah a ni dawn a, a tukah Peacock-ah stream theih a ni ang. Swift hi kum 2022 khan a album 'Midnights' promote-na atan 'The Tonight Show' ah hian a lo inlan tawh a, kum 2021-ah a album 'Red (Taylor Swift Version) promote nan a lo inlan tawh bawk. A album a tlangzarh ni, October 3 hian 'The Graham Norton Show'-ah Jodie Turner-Smith leh Domhnall Gleeson-te nen an inlan dawn bawk a ni.