Lehkhabu bawm : 'Mizo Rochun Hlaril Zir Zauna' leh Hringnun (Dr. Lalruanga Zinkawng)'

Dr. Lalruanga, MPSC chairman hlui lehkhabu ziah Mizo Rochun Hlaril Zir Zauna leh, Prof. Ruth Lalremruati leh Lalrinchhana ziah 'Hringnun (Dr. Lalruanga Zinkawng)' chu Inrinni khan Lianchhiari Runah tlangzarh a ni.

Tlangzarh inkhawm hi Dr. Zoramdinthara, HOD, Mizo Dept, Mizoram University chuan kaihruaiin, lehkhabu tlangzarhtu Upa Dr. LN. Tluanga chuan kum 80 ral kai tawh Dr Lalruanga’n ka kum a tam tawh em mai ti lo a, Mizo thu leh hla hmasawnna tura lehkhabu a la ziak zel peih hi ngaihsanawm a tih thu a sawi. Zoramthanga, Chief Minister hlui pawhin Dr. Lalruanga chu a naupan lai aṭang tawha Pathian ṭih mi, thil ti tak tak ṭhin leh hmathlir mumal tak nei mi a nih avanga a thil tih kawngah pawh a tluan thin thu a sawi. Dr. Lalruanga hi Mizo rochun thawnthu zirna kawngah a thawh hlawk hle a. Mizo subject-a Ph.D nei hmasa ber leh Mizo rochun thawnthu zirbing hmasa ber a ni bawk.