Selena Gomez leh Benny Blanco innei

American actress leh singer Selena Gomez leh songwriter leh record producer, Benny Blanco-te chuan an ram huna Inrinni liamta khan 'tiam tlat e' an ti ve ta. Nupa tuak tharte hi kum 2023 aṭang khan in date ṭanin nikum 2024 December khan an inhual tawh a ni.

Gomez leh Blanco-te hi hun rei tak aṭang tawha inhre sa tawh an ni a, ṭhian anga inkawm chhoin rimawi eng emaw zat an tichhuak dun tawh bawk. Gomez nu hian Blanco hi a fanu rimawi zinkawng zawh tura pui tur hian a inhmelhriattir a ni nghe nghe. Blanco hian Gomez 2015 album 'Revival' kha a produce sak a, hemi hnu kum 2019 khan Blanco chu Gomez hian a thawh pui ve leh thung. Kum 2023-a Gomez hla tihchhuah 'Single Soon' ah khan thawk dun lehin hemi kum hian an in date zui ta a ni. An inhual hnuah kumin March khan Selena album thar hla 14 awmna 'I Said I Love You First', an thawh dunna chu tlangzarh a ni zui ta bawk.