Korea Box Office No.1 ah 'No Other Choice'

South Korean satirical black comedy thriller film, Park Chan-wook direct 'No Other Choice' chu South Korean box office-ah No. 1 a ni ta. September 26-28 chhung khan admission 609,280 aṭangin USD mtd 4.5 a la lut a, screen 1,871 aṭanga an sum lak luh 45.2% a tel bawk a ni.

Korean Film Council enkawl KOBIS-in a tarlan danin, 'No Other Choice' hian September 24-a tihchhuah a nih aṭanga an sum lak luh tawh zawng zawng chu USD mtd 7.4 a ni. Pahnihnaah Japanese feature 'Chainsaw Man The Movie: Reze Arc' chu awmin, USD mtd 2.5 a la lut tawh a, screen 1,064-ah admission 311,715 neiin, 24.7% share a nei. Tihchhuah a nih aṭanga ni nga hnuah USD mtd 3.5 a la lut tawh bawk.

Japanese juggernaut 'Demon Slayer: Kimetsu no Yaiba - The Movie: Infinity Castle' chu pathumnaah awmin, admission 116,882 aṭangin USD 907,483 a lak luh belh leh a, a sum hmuh chhuah zawng zawng chu USD mtd 38.5 a tling tawh bawk.