India ramah John Mayer concert

American guitar ace leh singer-songwriter, John Mayer chuan India ramah a vawi khatna atan concert a rawn nei dawn. Zan khat chauh show hi a nei dawn a, ticket chuh chak a ngai viau ang.

Mayer hian January 22, 2026-ah Mahalaxmi Racecourse, Mumbai-ah show hi a nei dawn a ni. Amah pawh a phur tawh hle a, India chu hun eng emaw chen aṭanga a kal tumna zingah a lo telh tawh a ni tih sawiin, Mumbai-a a perform thei tur chu phurawm a tih thu a sawi. Concert hi BookMyShow Live in an produce leh promote dawn a ni. BookMyShow-ah RuPay credit card holder tan bik October 12 chhun dar 12 aṭangin ticket pre sale neih a ni ang a, October 14, chawhnu dar 1 aṭangin mipui nawlpui tan zawrh chhuah a ni ang. Mayer hian Grammy award pasarih la tawhin, a album-te hi copy mtd 20 chuang a hralh tawh bawk a ni.