Lehkhabu bawm : Commr. Lalkiamlova lehkhabu tlangzarh

Commr. Lalkiamlova lehkhabu, Mizoram buai chungchang ziahna 'Vangvat Kai Lo' (The Forgotten Brigades) chu nimin khan Lianchhiari Run, I&PR Office, Treasury Square-ah minister of state F. Rodingliana'n a tlangzarh.

F.Rodingliana chuan silai kenga martarte an hlut rualin in lama ram tana martar, mi tam tak hriat hlawh lo takte chanchin tlangzarh a ni chu lawmawm a tih thu a sawi. Lehhkhabu ziaktu, Commr. Lalkiamlova chuan ram buai lai chanchin ziahnaah ralthuam kenga rammu te chanchin chhiar tur a awm nual tawh a, heng ho lo pui tura ralthuam keng ve lem lo MNV-te chanchin dai mai tur chu ṭhangtharten an hriat reng theih nana ziak a nih thu a sawi bawk.

Lehkhabu thlirlawkna hun hi Rev. Zosangliana Colney-in a hmang a,lehkhabu chhiar nuam tak, ngaihnawm leh bengvarthlak tak mai hi hnam tan rohlu a tling dawn a ni, a ti. 'Vangvat Kai Lo' (The Forgotten Brigades) hi Rs 200 in lei theih a ni.