Netflix-ah Zayn Malik leh Louis Tomlinson-te documentary

English-Irish pop boy band, One Direction member Zayn Malik leh Louis Tomlinson-te chuan Netflix-ah road trip documentary series part thum awmna an tichhuak dawn. Show hi Nicola Marsh direct niin, Campfire Studios produce a ni.

Show-ah hian Malik leh Tomlinson-ten America hmun hrang hranga road trip an neihna tarlan a ni dawn a, hun hlimawm tak tak an hman laite leh, an miziaa kan la hmuh ngai lohte pawh hmuh tur a awm dawn tih press release chuan a tarlang. Artist pahnihte hi an solo career-ah an buai dun hle a, hmachhawp tam tak an nei mek bawk.

Malik hian nakkum January-ah Las Vegas residency a nei dawn tih a puang tawh a, Tomlinson pawhin a studio album pathumna tur 'How Did I Get Here' tih chu nakkum January 23 hian tlangzarh a tum bawk.