Fortnite leh KPop Demon Hunters colab dawn

Game developer Epic Gaming chuan an games siam, Fortnite leh tunlai musical animation hit ber tih theih, KPop Demon Hunters an thawk dun dawn tih an puang. Fortnite hian rimawi huanga thawm nei lian tak tak an lo thawhpui fo tawh a, thla hmasa lawk pawh khan electronic duo Daft Punk an lo thawhpui tawh a, tunah hian KPop Demon Hunter nen an thawk dun ve leh dawn a ni.

Fortnite leh KPop Demon Hunter thawk dun tur hi fictional trio HUNTR/X fan-te a tiphur tawh hle a, achhan chu in-game-ah cosmetic bundle eng emaw zat a awm tel dawn vang a ni. Hei bakah hian thawh dunna kaltlang hian Fortnite chuan Demon Hunter event "Demon Rush" an siam tel dawn bawk. KPop Demon Hunters Fortnite cosmetics hi lei theih turin Fortnite store-ah dah chhuah a ni tawh a, Fortnite Halloween event pawh a phuisui phah sawt ngei ang.