Megadeth hla thar a chhuak ta

Thrash metal band, Megadeth chuan an final album tihchhuah tur aṭangin single hmasa ber, 'Tipping Point' chu nimin khan an tichhuak a, Spotify leh YouTube-ah an dah. Hei hi an guitarist thar Teemu Mantysaari tela studio recording an neih hmasa ber a ni. Mantysaari hian kum 2023 khan Kiko Loureiro a thlak a ni.

Kum 2026-ah Megadeth hian an album hnuhnung ber tur, 'Megadeth' tihchhuah an tum a, hei hi an album 17-na tur a ni. Farewell tour an nei dawn bawk a ni. Kum 1983-a din, Megadeth hian an studio album 16 tihchhuah tawh aṭangin panga chu US-ah platinum certified an neihpui pha a ni.