Mizo action movie a chhuak dawn

Mizo film industry hmasawn mekah film chhuak thar pawh a awm chho reng a, hetih lai hian la chhawp chhuah zen zen loh, action movie lam "Project A.H: Ram leh Hnam Hmelma" tih chu buaipui mek niin November thla tir lamah tihchhuah hman tum a ni. Film OST hi Mizoram mai ni lo India pum huapa band ṭha tia chhal ngam, 'The Prophets' in an sa a, Thawhṭanni zan khan Mamoia Colney YouTube channel-ah dah chhuah a ni tawh bawk.

Action movie thar hi cTv Studio Production kutchhuak tur niin film industry huanga an hmalakna hmasa ber tur a ni. DoP C. Lalawmpuia Lushai Rider niin script a ziah bakah OST pawh hi ama phuah a ni bawk. cTv Studios Production hmalakna hian Mizoram Parkour and Free Running (MZPF) te chu tuaithar leh niin an che tla lai hmuhnawm tak tak kan hmu thei dawn a ni. Modelling lama chhuanvawr Nunui Rualhleng bakah 'Best Actor' ni lai Maruata Rawite pawh kan hmu dawn. Anni bakah outdoor adventure tih lar kawnga sulsutu tih theih Zira PC, bike racing lama Zoram khawvel deng chhuak B. Lalruatsanga a.k.a Rsa kan hmu dawn bawk. Anni vang pawh hian en a chakawm viau ang.