Instagram-in creator tan award siam dawn

Khawvela social networking app lian pathumna, Instagram chuan Thawhṭanni khan creator-te pualin award siam a nih tur thu a puang. Award hi khawvel hmun hrang hranga creator 25 te hnenah hlan a ni dawn a, award trophy atan 'Gold Ring' hlan an ni dawn. Award winner hi October 16-ah puan a ni ang.

Award dawng turte endik tur hian Instagram head - Adam Mosseri, director - Spike Lee, designer - Marc Jacob, YouTuber Marques Brownlee, actress - Yara Shahidi, leh makeup artist Pat McGrath te hming tarlan an ni.

Instagram hian Thawhṭanni vek khan feature thar, a hmangtute tan location awlsam taka tarlan a nih theihna tur, 'Map feature' an tichhuak a, location map dah hi user-te'n an share-te chauhin an hmu thei dawn a ni. Instagram chuan feature thar chu ṭhian hoa thil tih dawna awmhmun inhriat awlsam theihna tur a ruahman a nih thu an tarlang tel bawk.