Facebook-in algorithm kalhpung tidanglam

Meta chuan Thawhlehni khan an platform enkawl zinga lian ber Facebook-a algorithm kalphung chu an tidanglam tih an puang. Algorithm tihdanglamah hian AI puihna hmangin a hmangtute chuan reels video lo lang turte an duhdanin an thlang thei tawh dawn a ni.

Algorithm kalphung siam danglam hian Facebook hmangtute chuan reels chu "Not Interested" tih thlan tur emaw, comment flag emaw a theih dawn a, he feedback hmang hian engine chu a insiamrem thei mai dawn niin an tarlang. Hei bakah content thar zawk a chhawp chhuaksak dawn a, reels lang ṭhin aṭanga 50% chu post siam ni ami vek an ni dawn niin an tarlang bawk. Reel video-ah hian ṭhiante'n an lo like tawhte pawh a hmuh theih tawh dawn a, hei hi Meta-in Instagram lama an kalpui tawh ṭhin ang tur a ni. Facebook friend lo langte thlalak hmehin awlsam takin a inbiak nghal theih tawh dawn bawk.