Billboard 200: KPop Demon Hunters 'Soundtrack' No 1-ah kir

Billboard 200 album chart-ah KPop Demon Hunters 'Soundtrack' chu equivalent album unit 102,000 neiin pahnihna aṭangin No. 1 ah a kir leh ta. On-demand official stream mtd 117.48 a nei a, Top Streaming Albums-ah No.2 a ni bawk. Album hi 16,000 hralh belh a ni leh tawh bawk a ni.

Morgan Wallen 'I'm The Problem', a zawn loa kar 13 chhung No 1 ni thei chu pathumna aṭangin pahnihnaah a inhlangkai leh. Chart hmasaa pakhatna, Cardi B 'Am I The Drama' chuan equivalent album unit 83,000 neiin pathumnaah a tla thla thung.

Doja Cat studio album thar ber, 'Vie' chuan equivalent album unit 57,000 neiin palinaah a awm a, Sabrina Carpenter 'Man's Best Friend' chuan equivalent album unit 57,000 neiin palina aṭangin panganaah a tlahniam.